Kosova
Balerina nga Ferizaj diplomoi në “Joffrey” të Nju-Jorkut
Në kohë pandemie, balerina e talentuar shqiptare nga Ferizaj diplomoi në shkollën e njohur të Nju Jork-ut "Joffrey"
Femrat shqiptare të arsimuara mirë dhe të angazhuara në studimet e tyre kanë bërë hapat e tyre drejt triumfit në nivele ndërkombëtare, qoftë me shfaqjen e talenteve, qoftë në formimin intelektual e profesional, transmeton albinfo.ch.
Tashmë dihet se nuk janë të paktë femrat shqiptare që janë bërë të njohura për talentin e tyre nëpër skenat e ndryshme të botës. Së fundmi, listës së gjatë duket se do t’i shtohet emri i balerinës së talentuar kosovare, Etrita Abdullahu.
Sipas informacioneve, thuhet se ajo është diplomuar në mesin e 5 studentëve nga vende të ndryshme të botës në shkollën prestigjioze të baletit “Joffrey” në Nju-Jork.
Ajo është diplomuar në mesin e 5 studentëve nga vende të ndryshme të botës në shkollën prestigjioze të baletit “Joffrey” në Nju Jork. Ky vit pёr studentet ishte ndryshme, ceremonia e diplomimit nuk u zhvillua nё skenёn e shkollёs, përpara një publiku të gjerë dhe përpara familjareve.
Thuhet se Etrita u diplomua përgjatë pandemisë Covid-19, ajo dhe balerinёt e tjerё duke mos pasur mundёsi tё ngjiten nё skenё kanё pёrgatitur njё pjesё baleti. Nё videon e ndarё në faqen e saj zyrtare në Facebook, ajo falënderon të gjithë mjekët dhe infermierët që u kanë ardhur në ndihmë qindra pacientëve të infektuar me Covid-19.
“Ne studentët që u diplomuam nga Joffrey Ballet School këtë të premte, kemi përgatitur këtë video për të nderuar punëtorët në gjithë botën që kanë punuar në vijën e parë të frontit gjatë kësaj kohe dhe vazhdojnë të punojnë për të luftuar virusin korona”, shkruan krahas videos së publikuar Etrita.
22-vjeçarja filloi të kërcejë kur ishte veçse nëntë vjeç. Ajo kërceu me Baletin Kombëtar të Kosovës për 4 vjet, ku bashkëpunoi me koreografë nga vise të ndryshme të botës. Pastaj u zhvendos përtej oqeanit në Nju-Jork, ku u pranua në shkollën e baletit Joffrey. Ky ishte viti i fundit atje, ku edhe arriti rezultate brilante si në pjesën teorike, ashtu edhe të lojës së baletit. /Albinfo.ch
Photos: @facebook Etrita Abdullahu
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj