Lajme
Rritet papunësia në Zvicër
Shkalla e papunësisë në Zvicër u rrit në 3.3% në prill të vitit 2020, nga 2.9% një muaj më parë

Deri më 30 Prill 2020, ishin 153.413 persona të regjistruar si të papunë në zyrat rajonale të ndërmjetësimit për punë, të Zvicrës.
Punëtorët e rinj kanë pësuar goditjen më të fortë. Papunësia në mesin e atyre të moshës 15 deri në 24 vjeç u rrit me 18.1% në krahasim me marsin 2020 dhe me 61.3% në krahasim me prillin 2019. Deri në fund të prillit 2020 kishte 17,191 persona në këtë grupmoshë pa punë, përcjell albinfo.ch.
Punëtorët e vjetër janë goditur më pak nga bllokimi i shkaktuar nga Covid-19. Në mesin e atyre të moshës 50 deri në 64 vjeç, papunësia u rrit 9.5% krahasuar me marsin 2020 dhe me 31.7% krahasuar me prillin 2019. Deri në fund të prillit 2020, kishte 40.236 persona në këtë grupmoshë pa punë.
Sektori më i goditur ishte ai i hoteleve dhe restoranteve. Papunësia u rrit për 9.9%, me 31% krahasuar me marsin 2020 dhe deri 91% në krahasim me prillin 2019. Ndërtimi gjithashtu u godit fort. Papunësia në ndërtim u rrit në 6.6%, duke u rritur 5% në muajin e kaluar dhe 62% në Prill 2019. Këto dy industri përbënin 35.876 të papunë të Prillit, rreth 23% të totalit, përcjell tutje albinfo.ch.
Këto nivele të papunësisë të llogaritura nga Sekretariati Shtetëror për Çështje Ekonomike (SECO) nuk përfshijnë të gjithë njerëzit që kërkojnë punë.
Ato përfshijnë vetëm ata të regjistruar në zyrat rajonale të ndërmjetësimit për punë në Zvicër, të cilët kanë të drejtë për marrjen e pagës së papunësisë, e cilat zgjat deri në dy vjet.
Një masë alternative, e përdorur nga Organizata Ndërkombëtare e Punës (ILO), e cila përfshin të gjithë personat që kërkojnë punë – përkufizimi i papunësisë i ILO – është më i lartë. Në vitin 2019, shkalla e SECO ishte 2.5% ndërsa shkalla e ILO ishte 4.5%.
Deri më 30 prill 2020 kishte në Zvicër 231,196 punëkërkues, 17.299 më shumë se një muaj më parë dhe 47,647 sesa në të njëjtën kohë vitin e kaluar, transmeton albinfo.ch. Kjo shifër jep një shkallë papunësie prej 5.0%, një përllogaritje më afër nivelit të ILO.
Të ngjashme
Të tjera nga Lajme
E-Diaspora
-
Ka ushtruar dhunë mbi gruan: Kosovari lejohet të qëndrojë në Gjermani, për shkak të martesës! Si argument për qëndrimin e tij të përkohshëm në Gjermani, gjykata përmend faktin se gruaja e...
-
Mërgimtarit nga Suedia i vidhen mijera euro, stoli ari dhe dokumente në Kosovë
-
Enesi shënon sukses në Implantologji dhe Rigjenerim Kockor në Universitetin e Romës
-
Halili+Partner Ingenieure nga Zvicra vlerësohet në Oman me vendin e dytë
-
Kjo është gjendja në pikëkalimet kufitare me Kosovën
Jeta në Austri
-
Austri: Nga viti 2026, mbrojtje më e fortë për punonjësit ndaj të nxehtit ekstrem Punonjësit që punojnë në ambiente të hapura do të përfitojnë nga mbrojtje më e mirë ndaj...
-
Borxhi i Austrisë arrin në 412.6 miliardë €
-
Austri: 27% e të rinjve me prejardhje migrante braktisin herët shkollimin
-
Gjermania do të ndjekë shembullin e Austrisë dhe do të deportojë sirianët e dënuar
-
Banka Qendrore e Austrisë instalon bankomate për të kapërcyer hendekun rural të parave të gatshme