Ministri Berset: “Ne, me siguri ende nuk e kemi arritur fundin”

"Ne do të bëjmë gjithçka që mundemi për të zbutur këto masa por pa rrezikun për t'i ashpërsuar ato më vonë", ka thënë Berset

Ministri i Shëndetësisë Alain Berset është shprehur i kënaqur të hënën në mbrëmje me mënyrën e sjelljes së popullatës gjatë ditëve të Pashkëve. “Ky është një sinjal që tregon se  Zvicra mund të lëvizë ngadalë drejt masave lehtësuese. “Por ne përfundimisht nuk e kemi arritur fundin”, ka theksuar Berset në një intervistë për SRF.

Punët nuk kanë ecur keq, duhet të falënderojmë njerëzit për këtë gjë, ka thënë Ministri i Shëndetësisë Alain Berset  të hënën në mbrëmje, transmeton albinfo.ch. Këshilli Federal gjithmonë ka tërhequr vërejtjen se nuk ishte koha për të shkuar në Ticino ose në ndonjë zonë tjetër. Popullata i është përmbajtur kësaj, prandaj ai u shpreh i kënaqur me disiplinën e zviceranëve gjatë kohës së festës.

Në lidhje me rrezikun e një vale të dytë të virusit nëse masat do të zbuteshin shumë shpejt, Berset tha se ende ka paqartësi në këtë pikë. Vende të tjera që kanë lehtësuar masat janë në proces të rikthimit dhe ashpërsimit të masave në fjalë.

“Ne do të bëjmë gjithçka që mundemi për të zbutur këto masa por pa rrezikun për t’i ashpërsuar ato më vonë”, ka thënë Berset.

Hapat e ardhshëm do të duhej të ishin të modestë. Kjo, për shkak se njerëzit e rrezikuar do të vazhdojnë të preken veçanërisht – derisa të mos zbulohet një vaksinë, dhe kjo do të zgjasë ende edhe një kohë, përcjell albin o.ch. Prandaj, është e rëndësishme që popullsia të vazhdojë të zbatojë rregullat për mbajtjen e distancës dhe masat higjienike.

---