Lajme
Si ndodhën infektimet me koronavirus në Vushtrri
Mbrëmjen e së martës u konfirmuan tetë raste me virusin COVID-19 në fshatin Smrekonicë të Vushtrrisë. Shtatë nga këta persona janë infektuar nga dy familjarë, të cilët ishin prekur më herët, ndërsa një tjetër kishte pasur kontakt me po të njëjtën familje.
Drejtori i Shëndetësisë në Komunën e Vushtrrisë, Sylejman Meholli, ka thënë për Express se 7 nga rastet që u konfirmuan të martën mbrëma janë familjarë të dy të prekurve të mëparshëm në fshatin Smrekovicë.
“Mbrëmë u konfirmuan edhe tetë raste në fshatin Smrekonicë. Shtatë prej tyre janë familjarë të dy personave që janë konfirmuar më herët, ndërsa personi i tetë është nga po i njëjti fshat, por që ka pasur kontakte me familjen në fjalë.
Meholli ka treguar se janë në fazën e hulumtimit të kontakteve që personat e prekur me koronavirus mund të kenë pasur me familjarë apo banorë tjerë të fshatit.
“Instituti Kombëtar i Shëndetit Publik të Kosovës është duke i gjurmuar personat që kanë mundur të kenë pasur kontakte me të prekurit. Momentalisht nuk kemi ndonjë shifër, sepse jemi në hulumtim e sipër pasi rastet u konfirmuan mbrëmë vonë”, ka thënë Meholli.
Ndërkohë, Sylejmani ka theksuar se të martën Ministria e Shëndetësisë i ka furnizuar me materiale shpenzuese Qendrat e Mjekësisë Familjare në Vushtrri.
“Dje kemi marrë furnizime nga Ministria e Shëndetësisë, por edhe me mjete vetjake jemi furnizuar. Po presim që të furnizohemi edhe gjatë ditëve në vijim me materiale shpenzuese për QKMF-të e Vushtrrisë”, ka theksuar Mehollu.
Ndërkohë, deri më tani në Kosovë numri i personave të prekur me COVID-19 ka shkuar në 184, derisa janë shëruar 30 dhe të vdekur 5 persona, shkruan GE, përcjell albinfo.ch.
E-Diaspora
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri