Lajme
Sukses në Tiçino: Më shumë pacientë kthehen në shtëpi, më pak shtrohen në spital
"Më në fund kemi më shumë pacientë që kthehen në shtëpi se sa të tillë që vijnë në spital", ka thënë Paolo Ferrari, drejtori mjekësor i spitaleve Kantonale të Tiçinos
Kantoni i Tiçinos, ka qenë vatra e krizës nga koronavirusi në Zvicër, që nga shpërthimi i saj nga fundi i muajit shkurt. Kjo, për shkak të afërsisë së drejtpërdrejtë me Italinë, gjegjësisht pikën akute të pandemisë, Lombardinë, shkruan albinfo.ch. Kështu, kantoni që ka më pak se 4% të banorëve të Zvicrës, me 189 viktima ka tashmë afër 30% të të vdekurve nga koronavirusi të gjithë vendit.
Sidoqoftë, autoritetet e këtij kantoni po besojnë së fundi se tashmë është arritur “piku” i epidemisë dhe duhet menduar për shtensionimin e situatës.
Siç ka thënë sot para mediave mjeku kantonal Giorgio Merlani, për herë të parë prej disa javësh, numri i infektimeve të reja ka shënuar rënie të dukshme. Kështu, gjatë tri ditëve të fundit ka pasur rregullisht rënie të këtij numri. Të dielën kishin ndodhur 66 infektime të reja.
“Më në fund kemi më shumë pacientë që kthehen në shtëpi se sa të tillë që vijnë në spital”, ka thënë Paolo Ferrari, drejtori mjekësor i spitaleve Kantonale të Tiçinos.
Për shkak të shkallës së rrezikut, masat për luftimin e koronavuirusit, të ndërmarra nga Qeveria e Tiçinos kanë qenë më të ashpra se ato në nivel nacional, transmeton albinfo.ch. Dhe kjo ka dhënë rezultate, ka thënë Merlani. Por, ka shtuar ai, ende nuk është koha për të braktisur këto masa, se, përndryshe, rrezikohet që të shtohet sërish numri i infeksioneve.
Të kujtojmë: Kantoni i Tiçinos është rreth 10 ditë përpara në krahasim me pjesën tjetër të Zvicrës, sa i takon përhapjes së koronavirusit, shkruan albinfo.ch. Për këtë arsye është e kuptueshme që atje tashmë të jetë arritur kulmi dhe të ketë filluar rënia graduale e numrit të infektimeve.
E-Diaspora
-
Prime Travel, partneri juaj i udhëtimeve Agjencia Turistike ju ofron përvojën më të paharrueshme në udhëtime...
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
-
Shqiptarja e veshur me xhubletë diplomon në Universitetin prestigjioz në SHBA
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë