BE-ja, donacion prej 4 milionë eurosh Shqipërisë

Një lajm i mirë në këto ditë të vështira.

Është bërë e ditur nga autoritetet shtetërore të Shqipërisë se Bashkimi Evropian, përveç mbështetjes së 50 milionë eurove për Shqipërinë, së fundmi ka dhënë edhe një donacion në vlerë 4 milionë euro, shkruan albinfo.ch.

Sipas njoftimit, thuhet se 4 milionët e dhuruara nga BE-ja janë donacion për pajisje mjekësore në sistemin e shëndetësisë në Shqipëri.

Më poshtë postimi i plotë i ministrit të Jashtëm, Gent Cakaj:

“Një lajm i mirë në këto ditë të vështira,

Falë një bashkëpunimi të vazhdueshëm e solidarizimi të jashtëzakonshëm, Bashkimi Evropian është duke mbështetur Shqipërinë me 50 milionë euro.

Sot, ndërkaq, është firmosur edhe kontrata e parë e një donacioni prej 4 milionë eurosh për pajisje mjekësore, për të mbështetur sistemin tonë shëndetësor në luftën kundër COVID-19! Vetëm bashkë do t’ia dalim”. /Albinfo.ch

---