Lajme
Tiçino mbyll menjëherë kantieret e ndërtimit dhe fabrikat
Përkundër asaj që është vendosur në nivelin federal, aktivitetet në kantieret e ndërtimit në kantonin e Ticino duhet të ndërpriten menjëherë
Kantoni i Ticinos ka njoftuar masa të mëtejshme kundër përhapjes së koronavirusit. Në një aspekt këto masa shkojnë më larg se ato të urdhëruara nga Qeveria Federale për gjithë vendin.
Dihet se kantoni më jugor i Zvicrës është njëherësh dhe më i prekuri, për shkak se kufizohet me Lombardinë, zonën më të goditur nga koronavirusi në Itali dhe në botë, shkruan albinfo.ch.
Për këtë arsye, që nga shpërthimi i virusit, atje janë dëgjuar ankesa në adresë të Qeverisë Federale, e cila “po e nënçmon gjendjen” dhe “po i lë në baltë” tiçinezët.
Në këtë derejtim, kantoni në fjalë ka vendosur sot për masa më të ashpra.
Për njerëzit e moshuar dhe të prekshëm do të ekzistojë, sipas këtyre masave një “ndalim i qartë i daljes për të bërë pazaret”, përcjell albinfo.ch. Atyre u lejohet të shkojnë vetëm te mjeku ose të punojnë në disa raste, ka thënë kryeministri i kantonit, Christian Vitta për mediat në Bellinzona. Sipas tij, Tiçino është “dy javë para të tjerëve” sa i takon përhapjes së koronavirusit, prandaj dhe janë të kuptueshme masat e mdërmarra.
Popullsia e moshuar duhet të marrë ndihma nga të afërmit ose të përdorë shërbimet komunale që bëjnë sjhpërndarje ndihmash (ushqimesh etj.) nëpër shtëpi.
Përkundër asaj që është vendosur në nivelin federal, aktivitetet në kantieret e ndërtimit në kantonin e Ticino duhet të ndërpriten menjëherë, ka thënë ai. Në fakt, vendimi thotë që kantieret dhe ndërmarrjet industriale mund të punojnë nëse mund t`i plotësojnë masat e kërkuara higjenike, përcjell albinfo.ch. “Por këtë mund ta bëjnë fare pak nga to”, ka thënë një pjesëtar i qeverisë.
Kështu, në këtë kanton mund të vazhdojnë punën vetëm ndërmarrjet “relevante për sistemin” si ato për furnizim me artikuj ushqimor dhe ndërmarrjet farmaceutike.
Para Tiçinos, kantieret e ndërtimit i kishte mbyllur me një evndim edhe Kantoni i Gjenevës.
Të ngjashme
Të tjera nga Lajme
E-Diaspora
-
Shkolla verore “Jam shqiptar”, nisin aplikimet për edicionon e dytë Kujtojmë se vitin e kaluar për herë të parë Qendra e Botimeve për Diasporën organizoi shkollën...
-
Pse banorët e huaj të pasur kanë më shumë gjasa të bëhen shtetas zviceranë?
-
Lucern: Dënohet me nëntë vjet burgim tregtari shqiptar i drogës
-
Mbi një mijë punëtorë shëndetësorë kosovarë u punësuan në Gjermani për nëntë muaj
-
Austri: Djemtë e dëshmorit përzgjidhen për të prezantuar historinë e tyre të suksesit si ekspertë integrimi
Jeta në Austri
-
Kombëtarja shqiptare vendoset në Grac të Austrisë Në Austri kombëtarja do të qëndrojë deri më 8 qershor...
-
Gjashtë gjëra që duhet t’i dini për vizitat te mjeku në Austri
-
Kur janë pushimet shkollore në Austri në vitin 2024?
-
A është më mirë të marrësh me qira apo të blesh pronë në Austri tani?
-
Presidentja Osmani arrin për vizitë në El Salvador, pritet me ceremoni shtetërore