Trumpi thotë se kriza me koronavirusin në SHBA mund të zgjasë tërë verën

Keystone (AP Photo/Paul Sancya)

Presidenti i SHBA-së, Donald Trump ka thënë të hënën se kriza e lidhur me koronavirusin mund të zgjasë deri në fund të verës, apo edhe më gjatë.

Ai ka thënë se gjatë pesëmbëdhjetë ditëve në vijim, amerikanët nuk duhet të mblidhen nëpër grupe prej më shumë se dhjetë personave dhe duhet t’i shmangin restoranet.

Gjatë një fjalimi në Shtëpinë e Bardhë, i pari i SHBA-së ka thënë se shteti po përballet me një “armik të padukshëm” që është “tejet infektues”.

SHBA-ja deri më tani ka pasur 4.100 të infektuar dhe 71 të vdekur, raporton BBC.

I pyetur se sa do të gjasë kjo gjendje, Trumpi u ka thënë gazetarëve të hënën: “Po flitet për korrikun dhe gushtin, pra mund të jetë kjo periudha kur kalon”, ka thënë ai, përcjell Albinfo.ch