Lajme
Trump e shpall koronavirusin “emergjencë kombëtare”
Presidenti Donald Trump njoftoi të premten se po e shpall pandeminë e koronavirusit një emergjencë kombëtare, ndërkohë që zyrtarët nxitojnë të frenojnë përhapjen e virusit.
Duke folur nga Shtëpia e Bardhë, Presidenti tha: Po shpall zyrtarisht gjendjen e emergjencës kombëtare dhe shtoi se emergjenca do të verë në dispozicion 50 miliardë dollarë për qeveritë e shteteve dhe ato lokale për t’iu përgjigjur koronavirusit.
Presidenti Trump tha se ai po jepte sekretarit të Shëndetësisë Aleks Azar kompetencat e emergjencës që do të shmangnin disa rregullore dhe ligje federale për t’u dhënë mjekëve dhe spitaleve “elasticitet” në trajtimin e pacientëve.
Presidenti Trump i bëri komentet ndërsa bisedimet vazhdojnë midis Shtëpisë së Bardhë dhe Kongresit për miratimin e një pakete financiare.
Ndaj zotit Trump ishte rritur trysnia për të shpallur emergjencën kombëtare për sëmundje infektive në bazë të një ligji të vitit 1988, të quajtur Ligji Stafford, që do të lejonte Agjencinë Federale për Menaxhimin e Emergjencave Federale të jape fonde për katastrofat për shtetet dhe qeveritë lokale dhe për të dislokuar ekipet mbështetëse.
Çfarë është ligji Stafford?
Ligji, që hyri në fuqi në vitin 1988 i jep kompetenca Agjencisë Federale për Menaxhimin e Emergjencave (FEMA) për të ndihmuar autoritetet shtetërore dhe lokale gjatë “katastrofave natyrore” dhe për të bashkërenduar reagimin e vendit.
FEMA është një agjenci që kontrollon mbi 40 miliardë dollarë në fonde federale, që Kongresi i akordon për lehtësim nga katastrofat. Ato mund të përdoren për objekte mjekësore dhe transportuar pacientët, mes të tjerash.
Sipas ligjit, vetëm presidenti mund të shpallë një gjendje katastrofe madhore.
Presidenti Trump e ka aktivizuar ligjin Stafford shumë herë gjatë presidencës, mes të tjerash për përmbytjet në pjesën qendrore të vendit dhe zjarret në Kaliforni.
Ish-Presidenti Bill Clinton e shpalli atë në vitin 2000 për virusin e Nilit Perëndimor.
Departamenti i Shëndetësisë e deklaroi koronavirusin një emergjencë të shëndetit publik në fund të janarit.
Disa shtete kanë deklaruar gjendjen e emergjencës për koronavirusin, përfshirë Nju Jorkun, shkruan voa, përcjell albinfo.ch
Të ngjashme
Të tjera nga Lajme
E-Diaspora
-
Projekti filmik “Adelina”, fitues i trefishtë në Spanjë Një triumf i tillë konfirmon jo vetem suksesin e regjisores së re, por edhe të valës...
-
Platforma“Made in Kosova” promovon potencialin ekonomik, kulturor e turistik
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë