Lajme
476 të prekur në Zvicër, shkurtohet koha e karantinës për të infektuarit
Rregulli i ri thotë që ata që infektohen duhet të qëndrojnë të izoluar, dmth në karantinë për dhjetë ditë, ndërsa deri tani ishte 14 ditë
Rreth mesditës së të martës (sot), siç ka njoftuar Zyra Federale e Shëndetit Publik, në Zvicër kishte 476 raste të konfirmuara të infeksioneve me koronavirus, shkruan srf.ch. Të vdekur nga ky virus tashmë janë konfirmuar tre persona.
Në kantonin e Ticinos, një person 80-vjeçar ka vdekur si rezultat i koronavirusit, njofton qeveria kantonale, transmeton albinfo.ch. Në kantonin në fjalë, vizitat në spitale dhe shtëpitë e të moshuarve tani janë tërësisht të ndaluara për të frenuar përhapjen e virusit të koronës.
Përveç kësaj, është në fuqi vendimi që të kontrollohen shoferët me targë italiane. Sipas policisë kantonale të Ticinos, pothuajse 300 automjete janë kthyer në Itali që nga e hëna në mëngjes sepse njerëzit në makina nuk ishin në gjendje të tregonin një leje pune të vlefshme për Zvicrën.
Qeveria Federale ka bërë sot të ditur se ka bërë një rregullim të ri të kohëzgjatjes së karantinës në lidhje me koronavirusin, shkruan srf.ch. Ajo tash e tutje është më e shkurtër dhe përfshin më pak njerëz, njofton Zyra Federale e Shëndetit Publik BAG.
Rregulli i ri thotë që ata që infektohen duhet të qëndrojnë të izoluar, dmth në karantinë për dhjetë ditë, ndërsa deri tani ishte 14 ditë, transmeton albinfo.ch. Dhe vetëm njerëzit që janë shumë afër të sëmurëve duhet të qëndrojnë në karantinë për pesë ditë. Këtu përfshihen njerëzit që jetojnë me të infektuarit ose kanë pasur kontakte intime me ta.
Sipas BAG, arsyeja e rregullimit të ri është përhapja e fortë e virusit të koronës, përcjell albinfo.ch. Në gjendjen e tashme është e pakuptimtë të gjenden të gjitha kontaktet e personave të infektuar, ka thënë një zëdhënëse e BAG.
Të ngjashme
Të tjera nga Lajme
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë