Visar Ramadani, bashkëkryetar dege lokale të SPD-së në Mannheim

Dega lokale drejtohet tani nga një udhëheqje e dyfishtë e përbërë nga 18-vjeçarja Annalena Wirth dhe 30-vjeçari Visar Ramadani

Dega e SPD-së në Lindenhof, një zonë brenda qytetit Mannheim, ka zgjedhur bordin e ri. Dega lokale drejtohet tani nga një udhëheqje e dyfishtë e përbërë nga 18-vjeçarja Annalena Wirth dhe 30-vjeçari Visar Ramadani, shkruan morgenveb.de. Kjo e bën zonën Lindenhof rastin e parë lokal në Mannheim ku dy anëtarë të bordit, si dy bashkëkryetarë, ndajnë përgjegjësitë në mënyrë të barabartë.

Për më tepër, ata të dy përbëjnë së bashku kreun më të ri në moshë në SPD të Mannheimit, transmeton albinfo.ch. Ndërsa Wirth nuk është vetëm presidentja më e re e një dege të SPD-së në land, por edhe presidentja më e re e një dege të SPD-së në të gjithë Gjermaninë.

Pas tetë vjet studimesh politike dhe përvojës profesionale në vendet tjera të Evropës, Visar Ramadani jeton përsëri në Lindenhof, përcjell albinfo.ch. Ai ka lindur në Kosovë dhe ka jetuar në Mannheim që nga mosha pesëvjeçare: “Unë gjithashtu kam mbaruar studimet në Gjimnazin e Lesing-it këtu dhe jetoj sërish në Lindenhof që kur kam diplomuar në universitet”, thotë Visari, shkruan gazeta.

Të kujtojmë: Visar Ramadani është i biri i veprimtarit dhe socialpedagogut nga  Kosaova Lindore, me qëndrim prej shumë vitesh në Mannheim, Tefik Ramadani, si dhe vëllai i gazetares së njohur të ZDF, Arta Ramadani, shkruan albinfo.ch.

Për Visar Ramadanin është e rëndësishme të balancohen interesat e Lindenhöf-asve të vjetër dhe atyre të rinj: “Unë jam të dytë në një: Lindenhöfas i vjetër dhe i ri”, thotë Visar Ramadani.

---