Lajme
Tetova, Tirana e Shkupi me ndotjen më të lartë të mjedisit në Evropë
Shqipëria më 2020 vlerësohet të jetë njëra nga shtetet me ndotje më të lartë të mjedisit në Evropë, duke shënuar 77.77 pikë. Këto të dhëna janë publikuar nga “Numbeo.com”, përcjell Sharri-info.
Referuar këtij indeksi, në vitin 2020, Tirana krahasuar me territorin e të gjithë Shqipërisë arrin pikët më të larta të ndotjes së ajrit, duke kapur vlerën prej 85.63 pikë, nga 82.8 që përllogaritej në fillim të vitit 2019. Po sipas këtij raporti, Tirana renditet qyteti i tretë me ndotjen më të lartë në gjithë Evropën, pas Tetovës (Maqedonia Veriore) dhe Chelyabinskit (Rusi). Shkupi është një tjetër qytet i Maqedonisë Veriore që ka normën shqetësuese të ndotjes dhe renditet në vendin e katërt.
Renditja e kryeqytetit të Shqipërisë si njëri nga tri qytetet me ndotjen më të lartë në gjithë Evropën, ndodh pikërisht në vigjilje të 100-vjetorit të shpalljes së Tiranës si kryeqyteti i Shqipërisë.
Sipas Indeksit të Ndotjes së publikuar nga “Numbeo.com”, dy vendet ballkanike (Maqedonia e Veriut dhe Shqipëria) dhe qytet-shteti i Monakos kanë shënuar pikët më të larta të indeksit. Në vitin 2020, Indeksi i Ndotjes në Maqedoni shënoi 80.23 pikë. Sipas hartës që ka gjeneruar të dhënat e mbledhura nga NUMBEO, Evropa Lindore vijon të jetë më e ndotura në kontinentin e vjetër. Në 10 vendet më të ndotura pas Shqipërisë renditet Bullgaria me një indeks prej 65.33 pikësh, Ukraina me 65.08, Bosnjë-Hercegovina me 62.33, Serbia me 60.2, si dhe Rumania me 58.2.
Nga ana tjetër vendet me ndotjen më të ulët janë ato të Evropës Perëndimore.
Vendi më pak i ndotur i Evropës është Finlanda, ku sipas “Numbeos” ka shënuar vetëm 11.55 pikë. Në vend të dytë renditet Islanda me 16.21 pikë, ndjekur nga Suedia me 18.09 pikë, përcjell albinfo.ch
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë