Kosova
Fshati kosovar që po merr pamje tjetër, falë ndihmës së diasporës
Vend i qetë, me natyrë të bukur, ky është fshati Llashticë nga komuna e Gjilanit
Natyrë e mirë, ajër i pastër, vend karakteristik me male, shtëpi të bukura, pastërti, këto janë disa nga karakteristikat që ka fshati Llashticë i komunës së Gjilanit, shkruan albinfo.ch.
Me të hyrë në këtë fshat, natyra e saj e pastër dhe kulturat bujqësore të ofrokanë pamje mahnintëse, ndërsa malet për rreth saj i shtojnë hijeshinë e këtij fshati që çcdoherë e më shumë po shquhet si nga ana e kulturës, ashtu edhe për nga pastërtia që mbahet nga vetë banorët.
Ky fshat shtrihet në rrëzë bjeshkëve të Karadakut në Anamoravë dhe dita-ditës po merr pamje bashkëkohore. Banorët e këtushëm dhe ata që punojnë në mërgatë, zonë kjo e njohur me mërgimtar të shumtë, kanë vendosur të kontribuojnë për të mirën e përbashkët të vendlindjes së tyre.
“Ne familjet shumica i kemi jashtë dhe i falënderojmë që po na mbajnë gjallë, po edhe na çka jemi këtu punojmë shumë me bujqësi, me bahçe, e me krejt. Ata që janë në mërgim e kanë marrë edhe punëtorin, i kanë sjellë edhe mjetet për pastrim. Ata jashtë po na e mbajnë fshatin. Por, edhe na nuk po rrimë veç me prit prej tyre, po sa po mundemi po i japim zor në çdo aspekt vetëm le të shkon Llashtica përpara”, është shprehur Besim Musliu, banor i fshatit Llashticë.
Nga ana tjetër mërgimtari nga Gjermania është shprehur se çdonjëri që është në diasporë mendjen e kemi në fshatin tonë të lindjes, mendojmë të investojmë por edhe të jemi sa më shpesh vendlindje, ajo na mungon thotë Besim Ismajli.
“Kemi punuar edhe mendojmë të punojmë edhe më tutje. I kemi bë disa ndërtime, disa projekte edhe nëpër fshat çka ju kemi ndihmuar bashkëfshatarëve tonë, por kemi bë edhe grumbullim të parave. Po ashtu e kemi bë edhe pastrimin e fshatit dhe çdo gjë që e bëjmë prej diaspore, e bëjmë për të mirë të fshatit dhe për nder të fshatit që jemi fshatar të këtij vendi”, ka theksuar Besim Ismajli – anëtar i Shoqatës “Vendlindja ime”, transmeton albinfo.ch.
Ekrem Hasani administrator i fshatit Llashticë thotë se përveç bashkëpunimit me strukturat lokale të Gjilanit mërgata jonë është krahu i djathtë në secilin aksion madje edhe iniciatore.
Bashkëpunimi me bashkëkombësit në mërgatë fshatin Llashticë do ta bëjë shembull për vetiniciativa për rregullim të ambientit dhe aspektin human për të mbështetur familjet me gjendje më të rëndë ekonomike – thonë banorët e Llashticës. /Albinfo.ch.
Të ngjashme
Të tjera nga Kosova
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
-
Gjon’s Tears në intervistë për median zvicerane, flet për Kosovën
Jeta në Austri
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi Policia austriake raportohet të ketë arrestuar një 14-vjeçare me origjinë nga Mali i Zi nën dyshimet...
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri