Renditja e FIFA-s 2019: Kosova në pozitën e 115-të, Shqipëria e 66-ta

FIFA e ka publikuar sot renditjen e fundit të vitit 2019, ku “Dardanët” gjenden në vendin e 115-të, pa lëvizur nga pozita që e mbanin në muajin e kaluar.

Ndersa, Kombëtarja shqiptare e ka mbyllur vitin 2019 në vendin e 66-të me 1356 pikë.

Kombëtarja shqiptare e ka mbyllur vitin në vendin e 66-të me 1356 pikë të grumbulluara, sa kishte edhe muajin e kaluar, shkruajnë mediat kosovare, përcjell albinfo.ch.

Ekipi i Edy Rejas gjendet përpara Arabisë Saudite dhe prapa Sllovenisë.

Pasi në muajin dhjetor Kuqezinjtë nuk kishin angazhime, nuk patën edhe lëvizje në këtë renditje.

Shqipëria nuk e bëri një kampanjë pozitive në eliminatoret e Euro 2020, e as në Ligën e Kombeve, prandaj do t’i presë kualifikimet e Botërorit 2022, të cilat do të nisin në pjesën e dytë të vitit 2020.

Në anën tjetër, “Dardanët” nuk patën ndryshime në renditje, pasi edhe muajin e kaluar ishin në të njëjtin vend.

Ekipi i Bernard Challandes gjendet përpara Koresë dhe prapa Azerbajxhanit në këtë renditje.

Kosova bëri paraqitje mbresëlënëse në kualifikimet e Euro 2020, ku përfundoi në pozitën e tretë, prapa Anglisë dhe Republikës Çeke në Grupin A, edhe pse ishte vetëm 180 minuta larg kualifikimit.

Sidoqoftë, Verdhekaltrit do ta kërkojnë kualifikimin në Evropian përmes Ligës së Kombeve, ku do të luajnë në muajin mars ndaj Maqedonisë së Veriut.

---