Biznesmenë shqiptarë në Bavari dhurojnë mijëra euro për të prekurit nga tërmeti

Shuma prej 24 mijë euro u vë në dispozicion të shtetit shqiptar për viktimat dhe dëmet nga tërmeti në Shqipëri, nga një grup biznesmenësh i komunitetit të biznesit shqiptar në Bavari

Është bërë e ditur se një grup biznesmenësh i komunitetit të biznesit shqiptar në Bavari ka dorëzuar në Konsullatën e Shqipërisë në Mynih të Gjermanisë një kopje të konfirmimit bankar për shumën prej 24 mijë eurosh, vënë në dispozicion të shtetit shqiptar për viktimat dhe dëmet nga tërmeti në Shqipëri, shkruan albinfo.ch.

Sipas informacioneve, thuhet se ky kontribut i shtohet listës së kontributeve financiare të akorduara gjatë kësaj kohe nga shqiptarë që punojnë dhe jetojnë jashtë vendit në funksion të rindërtimit të zonave të dëmtuara nga tërmeti në vendin tonë.

Kujtojmë se diaspora shqiptare, veçmas nga Gjermania e Zvicra, kanë kontribuar miliona euro për të prekurit nga tërmeti në Shqipëri. /Albinfo.ch.

---