Jeta në Zvicër
Shqiptarët paguajnë deri dy herë më tepër
Krahasimi i çmimeve tregon: Shqiptarët paguajnë deri dyfish më shumë për të njëjtin sigurim makine
Felix Zürcher dëshiron të bëjë sigurimin e makinës së tij “Škoda”. Ai merr një ofertë nga Axa për një premi vjetore prej 686.25 frangash. Nuk është keq, mendon Felix-i. Edhe Xherdan Berisha ka një makinë “Škoda”. Ai është më pak i kënaqur me ofertën e tij, pasi që Axa kërkon nga ai për sigurim 59 për qind më shumë se prej Felix Zürcher-it. Për makinën e njëjtë, në të njëjtin kanton. Emrat Felix dhe Xherdan janë fiktivë. Por dallimet në çmime janë reale.
“Handelszeitung” ka krahasuar premitë e sigurimit dhe ka vënë theksin në një pikë të njohur, të diskutueshme, por këtu, në Zvicër, jo të ndaluar: Kompanitë e sigurimit kanë premi që shpeshherë dallojnë edhe mbi bazë të kritereve të cilat në vende tjera, si në Gjermani, do të shikoheshn si diskriminim i ndaluar.
Në veçanti në degën e sigurimit të automjeteve, prejardhja e klientëve luan një rol të madh në caktimin e premive. Dhe këtu përfundimi është i thjeshtë: Vështirë se paguan kush premi kaq të larta sa paguajnë drejtuesit me pasaportë shqiptare (kosovare) të makinave.
Kompanitë e sigurimit e justifikojnë diskriminimin e çmimeve mbi bazë statistikore, dhe, shikuar nga kjo pikëpamje, diskriminimi me të drejtë mund të konsiderohet si “korrekt”. Kjo sepse marrë mesatarisht, klientët me pasaportë shqiptare shkaktojnë kosto më të madhe dëmesh. Qendra mbikëqyrëse “Finma” mban një vështrim të rreptë në këtë pikë, sa u përket shifrave të kompanive të sigurimit. E megjithatë ka kritika për këtë mënyrë vlerësimi.
Duhet pasur kujdes që lidhjet statistikore të mos ngatërrohen me kauzalitetet, tërheq vërejtjen Heinrich Schradin, ekspert i sigurimeve në Universitetin e Këlnit. “Pasaporta nuk mund të jetë arsyeja përse dikush e nget makinën keq. Sepse, përndryshe, mënyra e drejtimit të makinës nga ana e tij duhej të ndryshonte në momentin kur ai merr pasportën e vendit”. Prandaj, sipas tij, ky diskriminim i mbështetur thjesht në statistikë, është i palejueshëm.
Aktualisht nuk duket se dallimi sipas nacionalitetit mund të ndalohet në një kohë të parashikueshme. Konkurrentët e rinj nga jashtë dhe modelet e sigurimit si Kasko2Go, të cilat mbështeten më shumë në mënyrën e drejtimit dhe më pak në tiparet personale, mund të shpiejnë drejt situatës që diskriminimi sipas pasaportës më shumë të bjerë se të rritet. Sa kohë që kjo nuk ndodh, për shqiptarët ia vlen të bëjnë krahasimin e saktë të premive të sigurimit. Bëhet fjalë për shumë para.
Shih: https://www.handelszeitung.ch/unternehmen-old/die-faire-diskriminierung-bei-der-pramie
(*Autori, këtë editorial e ka shkruar enkas për albinfo.ch)
E-Diaspora
-
Ermonela Jaho me performancë në Royal Opera House, në skenë me të ngjitet edhe Mbreti Charles III Sopranoja shqiptare me famë botërore, Ermonela Jaho ka shkëlqyer në performannccën e saj të fundit në...
-
Humb jetën tragjikisht 22-vjeçari shqiptar në këtë shtet
-
Kandidati për eurodeputet me origjinë shqiptare, Muharrem Salihu, merr mbështetje në Itali
-
Vildane Rexhepi, menaxhere prokurimi në IT-në e bankës UBS
-
Muhamed Mustafi, ylli shqiptar në St. Gallen
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?