Si do të luajë Kosova pa Muriqin

Vedat Muriqi do të mungojë për dy ndeshjet e muajit nëntor

Kosova të enjten do të përballet me Çekinë në udhëtim dhe të dielën e pret Anglinë.

Për shkak të lëndimit, do të mungojë Vedat Muriqi, përcjell albinfo.ch.

Muriqi është pjesë shumë e rëndësishme e Kosovës dhe shihet si një mungesë e madhe.

Gjithashtu në dyshim janë edhe Herolind Shala dhe Leart Paqarada.

Në sulm mund të luajë Milot Rashica, derisa në krah pritet të luajnë Elbasan Rashani ose Florent Muslija.

Anësor pritet të luajë edhe Edon Zhegrova, kurse pas sulmuesve Bersant Celina.

Valon Berisha dhe Idriz Voca mund të formojnë dyshen e mesfushës, kurse më pak dilema ka në mbrojtje.

Vojvoda-Rrahmani-Aliti-Kololli janë në mbrojtje, kurse portier është Arijanet Muriqi.

---