Rashica pas barazimit: Duhej ta kishim siguruar fitoren shumë më herët

Sulmuesi i Kombëtares së Kosovës, Milot Rashica, ka treguar formë të mirë në takimin e sotëm që Werder Bremeni zhvilloi ndaj Freiburgut

Në barazimin 2-2, Rashica shënoi një gol dhe asistoi në golin e dytë për ekipin e tij.

Pas barazimit, Rashica tha se ata e kontrolluan ndeshjen dhe bënë paraqitje të mirë.

“Nuk është se ne po luajmë keq. Ne e kishim ndeshjen plotësisht nën kontroll dhe duhej ta kishim siguruar fitoren shumë më herët”, ka thënë Rashica pas ndeshjes, shkruan KP, përcjell albinfo.ch.

Me këtë barazim Bremeni radhitet në pozitën e 12-të në tabelën e Bundesligës, me 11 pikë të fituara nga dhjetë ndeshjet e para. Ndërsa, Freiburgu është në pozitën e pestë, me 18 pikë.

---