Lajme
Zvicër: Vapa e verës së vitit 2018 u ka marrë jetën 200 vetave
Këtë e tregon analiza e publikuar sot nga Zyra Federale për Mjedis (BAFU). Fjala është për një ngritje prej 3.4% të shkallës së vdekjeve në krahasim me verat “e zakonshme”
Njëra ndër “verat e shekullit” siç është cilësuar vera e vitit 2018 në Zvicër, për shkak të vapës së madhe që e ka karakterizuar, u ka marrë jetën 200 personave. Të gjithë këta kanë vdekur në muajin gusht, kur ishte kulmi i vapës së asaj vere.
Këtë e tregon analiza e publikuar sot nga Zyra Federale për Mjedis (BAFU), shkruan albinfo.ch. Fjala është për një ngritje prej 3.4% të shkallës së vdekjeve në krahasim me verat “e zakonshme”.
Verë edhe më e nxehtë se kjo ka qenë vera e vitit 2003. Atëherë, si pasojë e vapës kishin vdekur 1000 persona. Në atë vit, vapa ekstreme ka qenë e shpërndarë në të tre muajt e verës: qershor, korrik, gusht. Ndërsa vera e vitit 2015, e dyta për nga vapa, ka qenë fatale për 800 persona.
Përveç në jetë njerëzish, vapa e vitit 2018 ka pasur ndikimin e saj të madh negativ edhe në pyje, në rendimentet bujqësore dhe në rrjedhat e ujërave.
Sipas analizës së BAFU-s, edhe natyra në përgjithësi ka pësuar nga temperaturat e larta, transmeton albinfo.ch. Janë tharë trungjet e pemëve, ka pasur ngordhje të peshqve. Ndërsa sa u përket pasojave negative në bujqësi, vlen të përmendet se Zvicra është detyruar të blejë jashtë vendit më shumë se zakonisht kashtë për kafshët e veta.
BAFU thotë se në të ardhmen nnevojiten përpjekje më të mëdha për të përballuar valën e vapës në verë.
E-Diaspora
-
Xhaka e Gjimshiti, në ekipin më të mirë të Ligës së Evropës Futbollistët shqiptarë, Berat Gjimshiti e Granit Xhaka, kanë zënë vend në ekipin më të mirë të...
-
Prokuroria zvicerane kërkon 16 vjet burg për Arditin që vrau gruan e tij, Besimen
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtar të Filmit në Gjenevë
Jeta në Austri
-
Çfarë duhet të dini për kontratat kolektive nëse punoni në Austri? Nëse punoni në Austri – ose po kërkoni punë këtu – me siguri do të keni...
-
Çfarë ndryshon në Austri nga muaji qershor?
-
Avdijaj, më i miri i xhiros së fundit në Austri
-
Austria dhe Britania e Madhe me bashkëpunim për deportimin e emigrantëve
-
Vjenë: Droni “kap” 5 shqiptarë që po punonin në të zezë