Integrimi
Nxënësit e shkollës shqipe festuan Ditën e Flamurit
Me një program artistik të përbërë nga recitale, vjersha dhe këngë të përgatitur nga mësuesit e tyre, nxënësit i kënaqën prindërit e tyre dhe mysafirët
Lidhja e Arsimtarëve dhe Prindërve Shqiptarë për kantonin Cyrih ka bërë tashmë një traditë disavjeçare të organizimit të manifestimeve të ndryshme me karakter kulturor dhe kombëtar të cilat i kremton për çdo vit së bashku me nxënës të shkollave shqipe dhe prindërit e tyre nga kantoni i Cyrihut.
Rinora 4 që gjendet në Rümlang, në afërsi të Cyrihut kishte hapur dyert për nxënës, prindër shqiptarë dhe mysafirë nga Kantoni Cyrih por edhe nga kantonet tjera për rreth.
Ky lokal i bukur dhe me hapësirë të madhe, ishte mbushur përplot mysafirë të cilët kishin filluar të nxënë vend nga minutat e parë të hapjes së lokalit.
Të pranishëm në këtë manifestim ishin edhe përfaqësuesit Ambasadës së R. së Shqipërisë, Kastriot Noli dhe asaj të R. së Kosovës, Sali Sefa.
Si zakonisht programi u hap me himnin e flamurit kombëtar të kënduar nga një grup i madh i nxënësve të shkollave shqipe, nën dirigjimin e mësuesit Hasan Spahiu.
Kësaj radhe jo si herëve tjera LAPSH i dhanë mundësinë një ish nxënëse të shkollës shqipe Qëndresa Kuqi për të moderuar programin e kësaj kremte. Qëndresa hapi programin dhe përshëndeti të pranishmit në këtë pasdite festive me programin e nxënësve të shkollës shqipe.
Më pas Naser Ulaj, kryetar i LAPSH për Kantonin e Cyrihut në pika të shkurtra foli mbi rëndësinë e 28 Nëntorit dhe pavarësinë e Shqipërisë, sepse nëpër këtë datë kaluan shumë ngjarje të rëndësishme historike, duke përshkruar datën 28 me shkronjë të artë e cila i lidh tri vendet shqiptare si Krujën, Vlorën dhe Drenicën.
Të pranishmit i përshëndeti edhe kryetari i LAPSH për Zvicër, Nexhat Maloku.
Më pas ministri këshilltar në Ambasadën e Shqipërisë z. Noli dhe Konsulli i R. Kosovës z. Sefa me nga një fjalë rasti përshëndetën të pranishmit në emër të institucioneve duke falënderuar LAPSH-in për punën e çmuar dhe mundin që po jep në ruajtjen e gjuhës dhe kulturës shqiptare.
Pastaj skena ishte për nxënësit të cilët me një program artistik të përbërë nga recitale, vjersha dhe këngë të përgatitur nga mësuesit e tyre i thurën vargje flamurit, atdheut trojeve shqiptare të ndara, heronjve që dhanë jetën për liri duke i kënaqur prindërit e tyre dhe mysafirët. Publiku i shpërblente ata me shumë duartrokitje dhe në fytyrat e tyre ishte i papërshkrueshëm gëzimi.
Në vazhdim, me disa valle shqiptare nga trevat tona, si mysafire e LAPSH-it doli në skenë Ansambli “Trojet” i cili u paraqit me dy valle të bukura shqipe. Në vijim të programit mësuesit e LAPSH-it kishin përgatitur edhe një kuiz të diturisë ku u shpërblyen nga LAPSH-i 10 nxënës me dhurata simbolike.
Pjesa e dytë e programit filloi me muzikë popullore duke i ftuar të pranishmit në vallëzim. Të gjithë së bashku mësues, nxënës, prindër dhe mysafirë të tjerë u kënaqën nën tingujt e muzikës deri në orët e vona të mbrëmjes.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?