Futboll

Super-gol nga ylli i Kosovës, feston me shqiponjën dykrenare

E mërkurë, 25 Shtator 2019 - 13:34 albinfo.ch

Donis Avdijaj e ka nisur për mrekulli edicionin e ri në Superligën turke te Trabzonspori.

Sulmuesi i Kosovës u transferua këtë verë te klubi turk me parametra zero.

Me paraqitjet e tij të mira në fushë, Avdijaj ka arritur ta zërë një vend në formacionin bazë të skuadrës turke, përcjell albinfo.ch.

Në ndeshjen që po zhvillohet momentalisht kundër Sivasporit, Avdijaj ka filluar nga minuta e parë.

Madje, futbollisti istogas e ka gjetur rrjetën tashmë, duke kaluar Trabzonsporin në epërsi pas vetëm gjashtë minutash lojë.

Pas një superaksioni, Avdijaj goditi rrjetën me një goditje mjeshtërore, derisa golin e festoi me shqiponjën dykrenare.

Ndryshe, ky ishte goli i parë i Avdijajt në kampionatin elitar turk që prej ardhjes së tij te Trabzonspori./

 Të ngjashme

Ndeshja Zvicër-Kosovë, në fokus të numrit më të ri të magazinës albinfo.ch

 Të tjera nga Futboll

Matoshi transferohet nga Fc Thun te Sturm Graz i Austrisë

 E-Diaspora

 Jeta në Austri