Kosova
Gjermania emëron një të dërguar special për Kosovën?
Kur do që Serbia dhe Kosova ta zhbllokojnë dialogun, në atë proces mund të përfshihet edhe Berlini, nëpërmjet përfaqësuesit të tij special
Gjermania mund të shtojë angazhimin në zgjidhjen e çështjes së Kosovës, duke emëruar një të dërguar special, njësoj siç ka bërë së fundmi SHBA-ja.
Kur do që Serbia dhe Kosova ta zhbllokojnë dialogun, në atë proces mund të përfshihet edhe Berlini, nëpërmjet përfaqësuesit të tij special.
Gjermania kështu do t’i bashkohej SHBA-së që tashmë ka caktuar Mathew Palmerin si të dërguarin special për Ballkanin Perëndimor, por edhe Francës e cila ka paralajmëruar se dëshiron “vendin në këtë rajon që i takon”, me paralajmërimin se do ta ketë personin e saj që do të ngarkohet me atë mision, shkruan “Veçernje Novosti”.
Kryeministrja e Serbisë, Ana Bërnabiq, të mërkurën do të takohet në Berlin me kancelaren gjermane, Angela Merkel, dhe ka deklaruar se Serbia është e interesuar që në dialog me Prishtinën të përfshihen të gjithë ata që mund të ofrojnë ndihmë.
“Gjermania dhe Franca janë partnerë të rëndësishëm. Kemi komunikim të shkëlqyeshëm, në disa gjëra pajtohemi, në disa jo. Ata kanë bërë thirrje për heqje të taksës, Prishtina nuk i ka dëgjuar, njësoj si disa thirrje të tjera. Gjermania ka qenë më e qarta deri më tani, duke e ftuar Prishtinën në takim në Berlin. Nëse mund të ndihmojnë, le të ndihmojnë, shpresoj që dialogu të vazhdojë sa më shpejt”, u shpreh ajo.
Ish-ambasadori i Serbisë në Berlin dhe Vjenë, Milovan Bozinoviq, ka thënë për “Novosti” se emërimi i një të dërguari special nga Gjermania do të jetë vazhdimësi e angazhimit të tyre kur bëhet fjalë për çështjen e Kosovës.
“BE-ja në periudhën e fundit ka shfaqur se nuk i shkon për dore të jenë arbitër i autoritetit, andaj gjithmonë është shikuar se çfarë do të thonë “të mëdhenjtë” brenda BE-së, mbi të gjitha Gjermania. Nëse Berlini tani ka caktuar të dërguarin e tij, atëherë mund të kemi një udhëheqës që ka fuqi të pajtimit dhe e di se si duhet të arrihet”, u shpreh ai.
Iniciativa e Gjermanisë është dëshmi shtesë e deklaratës së shefit të diplomacisë ruse, Sergej Lavrov, i cili ditë më parë tha se Kosova është bërë temë globale në interesin e fuqive të mëdha, përcjell Albinfo.ch.
Të ngjashme
Të tjera nga Kosova
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj