Lajme

Kjo ishte vera e tretë më e nxehtë në Zvicër

Sipas meteorologëve, kjo verë ka shumë të ngjarë të jetë e treta më e nxehtë në Zvicër

E diel, 1 Shtator 2019 - 10:00 albinfo.ch

(AP Photo/Francisco Seco)

Temperatura mesatare e verës e këtij viti është midis 15 dhe 16 gradë, rreth 2 gradë më e lartë se norma midis 1981 dhe 2010, sipas parashikuesve, shkruan “Le News”.

Rritja e dukshme e temperaturave të verës është një shenjë e ndryshimit të klimës, përcjell albinfo.ch.

Që nga periudha paraindustriale nga 1871-1900, temperaturat mesatare të verës janë rritur me rreth 2 gradë.

Katër herë temperaturat mesatare ishin përtej 15 gradë: 2003, 2015, 2017, 2018.

2003 ishteë më e nxehta, duke arritur një mesatare prej 16.9 gradë. Vera e vitit 2019 së shpejti do të shtohet në këtë listë, ka shumë të ngjarë të jetë në vendin e tretë.

Të dhënat përfundimtare do të publikohen më 13 shtator 2019.