Lajme

Brazili dërgon 44 mijë trupa ushtarake në Amazonë

Ushtria braziliane ka filluar aksionin për dërgimin e trupave dhe mjeteve në Amazonë për të bllokuar zjarret, njoftuan ministrat e Mbrojtjes dhe të Mjedisit.

E shtunë, 24 Gusht 2019 - 23:25 albinfo.ch

(U.S. Forest Service via AP)

Në terren do të jenë 44 000 ushtarë të cilët do të ndihmohen nga avionë ushtarakë.

Presidenti brazilian, Jair Bolsonaro, nga ana tjetër në një fjalim të shkurtër për median, tha se “zjarret në pyllin e Amazonës, që nuk janë mbi mesataren e atyre që kanë rënë në 15 vitet e fundit, nuk mund të shërbejnë si pretekst për të imponuar sanksione ndërkombëtare kundër Brazilit”.

Në prag të samitit të G7-ës në Biarric vende të ndryshme, të udhëhequr nga Franca, u shprehën se synojnë të ndërmarrin masa për të garantuar mbrojtjen e mjedisit të vendit amerikano-jugor, raporton gazeta express.

Shteti i Amazonas shpalli një emergjencë kombëtare në fillim të këtij muaji për shkak të zjarreve. Është zona e katërt më e prekur në Brazil këtë verë, përcjell albinfo.ch