Skandalet dhe çështjet gjyqësore, dëmtuan imazhin e bankave zvicerane

Epoka e sekretit bankar ka mbaruar për tregun financiar zviceran, por edhe pa këtë “avantazh konkurrues”, bankat zvicerane janë akoma duke arritur të tërheqin flukse të mëdha të kapitalit nga vendet e tjera, shpjegon eksperti i administrimit të pasurive, Pascal Gentinetta.

Kjo dekadë e fundit ishte një kohë e vështirë për bankat zvicerane. Sekreti bankar u sulmua, ndërsa hetimet, çështjet gjyqësore, skandalet dhe gjobat e mëdha e dëmtuan imazhin e tyre. Kriza financiare ndërkombëtare dobësoi edhe pozicionin e sektorit bankar, përcjell albinfo.ch.

Bankat ulën nivelet e tyre të personelit pas dekadave të rritjes, dhe ata tani punësojnë vetëm 3.5% të popullsisë që punon në Zvicër.

Megjithatë, sot, tregu zviceran bankar mbetet një nga më të rëndësishmit ndërkombëtarisht, veçanërisht për menaxhimin e pasurisë. Bankat zvicerane administrojnë mbi 27% të të gjithë pasurisë së menaxhuar që tejkalon kufijtë në gjithë botën, përcjell albinfo.