Euroskeptikët fitojnë zgjedhjet për Parlamentin Evropian

Partitë e ekstremit të djathtë e të majtë shënuan sukses në tërë Evropën në zgjedhjet në zgjedhjet për Parlamentin Evropian, që u mbajtën prej 22 e deri më 25 maj

Rezultatet e para flasin se partitë ekstreme nga e majta dhe e djathta, pritet se do t’i kenë deri në 160 vende në parlamentin me 751 ulëse, që paraqet një rritje në krahasim me vitin 2009, kur kishin 98 vende

Në total, “partitë e protestës”, siç po i quan shtypi ndërkombëtar, siguruan 30% të votës europiane, nga gati 20% që kishin në Parlamentin aktual.

Por, gjithësesi partia e parë mbetet Partia Popullore Europiane që pavarësisht humbjes së 62 deputetëve ka marrë 212 vende në parlament me 28.23 për qind të votave

Rezultatet preliminare tregojnë se partitë euro-skeptike të së djathtës ekstreme kanë fituar në Danimarkë, Francë dhe Britani, ndërsa ato nga e majta ekstreme kanë triumfuar në Greqi, që është e goditur nga kriza e rëndë financiare

Euroskeptikët janë, në përgjithësi, një grup i përçarë partish politike, me këndvështrime shpeshherë kontradiktore, ndaj pak gjasa ka që të formojnë një aleancë të përbashkët.

Megjithatë, influenca anti evropiane  në Parlamentin Europian, me praninëe tyre, do të rritet ndjeshëm.

Presidenti në largim i PE-së, Martin Schulz, i tha reporterëve se do të negociojë me partitë e tjera.

“Për Bashkimin Evropian është një ditë e keqe, kur një parti raciste, ksenofobe e anti-semite, merr 25 përqind të votave në Francë”, u shpreh ai.

“Votuesit e saj nuk janë ekstremistë, janë thjesht njerëz që kanë humbur besimin dhe shpresën”, thotë presdienti i deritanishëm i Parlamentit Evropian.

Pjesëmarrja në zgjedhjet për Parlamentin Evropian, që u mbajtën prej 22 e deri më 25 maj, ishte 43.1%, që është për pak më e lartë se ajo në vitin 2009, kur dalja në votime ishte 43%.