Akademi Komemorative për profesorin Skënder Gashi

Instituti Albanalogjik ka organizuar akademi komemorative për nder të figurës së prof. dr. Skender Gashit.
Pjesë e saj ishin akademikë, profesorë, ministra e shumë miq të të ndjerit. Gashi i cili ndërroi jetë ditën e enjte në Vjenë, kishte nisur punën e parë të tij, pikërisht në Institutin Albanalogjik të Kosovës, transmeton albinfo.ch.
Drejtori i Institutit Albanalogjik, Hysen Matoshi tha se profesori Skënder Gashi ka dhënë një kontribut të madh në këtë institut duke theksuar se ikja e tij nga jeta ka lënë zbrazëti të madhe.
I pranishëm në këtë akademi ishte edhe Zv.kryeministri, Behgjet Pacolli, i cili duke ngushëlluar familjen Gashi, ka thënë se Kosova ka humbur një njëri të madh.
Ndërsa djali i të ndjerit njëherësh ministri i Diasporës, Dardan Gashi, ka falënderuar të gjithë për kujdesin dhe fjalët e mira.
Gashi ka thënë se për shkak të procedurave ende nuk e kanë caktuar kohën e varrimit të profesorit, por se për këtë do të njoftohen me kohë.