Rënie e infektimeve me HIV

Janë regjistruar gjithsej 575 diagnoza të reja me këtë sëmundje që janë për 8 për qind më pak se në vitin 2012

Numri i të sëmurëve nga AIDS-i ka shënuar rënie të theksuar gjatë vitit 2013. Janë regjistruar gjithsej 575 diagnoza të reja me këtë sëmundje që janë për 8 për qind më pak se në vitin 2012, vit kur kjo sëmundje kishte shënuar një rritje të papritur. Rritja prej 15% e 2012-ës pra nuk përbën ndonjë trend, pasi që nga viti 2009 deri në vitin 2011 kishte një trend uljeje.

“Kontributin” më te madh për rënien e diagnozave me AIDS, sipas Zyrës Federale të Shëndetësisë (BAG) e kanë meshkujt që kanë marrëdhënie seksuale me meshkuj të tjerë. Te grupimet tjera dhe te rrugët tjera të bartjes së virusit HIV rënia është më pak e theksuar.

Edhe pse njerëzit me aktivitet homoseksual përbëjnë vetëm 3 për qind të meshkujve seksualisht aktivë, ata gjatë vitit 2013 kanë përbërë 39 për qind të të gjithë të sëmurëve me AIDS, shkruan tagblatt.ch. Për këtë arsye sipas BAG programi nacional HIV fokusohet edhe në vitet në vijim në këtë grupacion.

Marrë sipas regjioneve, më së shumti raste me HIV ka në kantonin e Gjenevës, ku kemi 15.1 raste në 100 mijë banorë. Më së paku të infektuar me këtë sëmundje ka në kantonet e Zvicrës Lindore, ku janë shënuar vetëm 3.6 raste në 100 mijë banorë.

Mesatarja në gjithë Zvicrën është 7.2 raste në 100 mijë banorë, që është bi mesataren evropiane.