Zvicra në finalen e Eurovisionit

Sebalter nga Ticino me këngën e tij " Hunter e Stars " i ka siguruar Zvicrës finalen e Eurovisionit që po mbahet në Kopenhagë të Danimarkës.

Sebalter ka kaluar gjysmë finalen në Kopenhagë me violinën  dhe fishkëllimat simpatike që shoqëronin këngën e tij në këtë konkurs muzikor evropian .
28 – vjeçari Sebastiano Paù-Lessi  ka studiuar  për drejtësi dhe ka punuar  si avokat i  biznesit në Lugano. Ticinezi  do që tani më shumë se kurrë  të merret me muzikë.
Shteteve organizatore të Eurovisionit: Anglia, Spanja, Gjermania, Italia dhe shtetit nikoqir Danimarkës iu bashkuan në finale edhe dhjetë këngë prezantuese nga Zvicra, Sllovenia, Polonia, Rumania, Norvegjia, Greqia, Malta, Bellorusia, Finlanda dhe Austria.

Mali i Zi, Hungaria, Rusia, Armenia, Azerbaixhani, San Marino, Ukraina, Suedia dhe Islanda janë kualifikuar në natën e parë gjysmëfinale e cila është mbajtur të martën.

Shqipëria këtë vit është prezantuar me këngën “One night’s anger” nga Hersi Matmuja, por nuk ka mundur të kalojë në finalen e të shtunës, duke u eliminuar në gjysmë finalen e parë.
Finalja e Eurovision 2014 do të mbahet të shtunën, ku do të zgjidhet kënga fituese mes 26 këngëve që kanë arritur në finale.