Pedagogu social abuzon seksualisht me 21 fëmijë

Veç kësaj ai ka bërë fotografi pornografike nga ata dhe i ka hedhur pastaj në rrjetin e internetit.

Ndaj një pedagogu social nga Kantoni i Bernës po zhvillohet një proces penal me akuzën për abuzim seksual me fëmijë dhe të rinj që i kishte nën përkujdesje. Ai akuzohet nga prokuroria Berner Oberland se ka shfrytëzuar seksualisht 21 fëmijë dhe të rinj (të gjinisë mashkullore).

Shumicën e viktimave ai i ka njohur fillimisht në cilësinë profesionale të pedagogut social dhe me ta ka caktuar edhe takime private në vonë. Abuzimet kanë ndodhur në kantonin e Bernës, atë të Soloturnit dhe të Bazellandit 

Pedagogu 44 vjeçar po ashtu ngarkohet se viktimave të veta u ka dhënë alkool dhe marihuanë.  Veç kësaj ai ka bërë fotografi pornografike nga ata dhe i ka hedhur pastaj në rrjetin e internetit.

Ai akuzohet se me abuzim seksual të fëmijëve dhe të rinjve është marrë nga viti 1998 deri në vitin 2011, shkruan bernerzeitung.ch. Në janar të vitit 2012 nëna e njërit nga fëmijët viktima e ka alarmuar policinë pasi që i ka treguar i biri se çka i ka ndodhur me pedagogun.

I akuzuari ka pranuar veprën.