Konferencë në Tiranë, ftohen studiuesit shqiptarë nga rajoni dhe diaspora

Instituti “AlbShkenca” dhe Fondi Shqiptar për Zhvillimin e Diasporës, nën kujdesin e ministrit të Shtetit për Diasporën organizojnë më 27-29 shtator 2019 në Tiranë konferencën “Kërkimi shkencor në hapësirën mbarëshqiptare dhe roli i Diasporës shkencore”, përcjell albinfo.ch.

Nga MD kanë bërë thirrje që studiuesit shqiptarë të të gjitha disiplinave nga rajoni dhe Diaspora të dërgojnë përmbledhjen e temës së tyre deri më datë 30 qershor në adresën elektronike [email protected]. 

“Përpunimi i përmbledhjeve do të bëhet deri në datën 20 korrik, ndërsa vlerësimi i materialeve të dërguara dhe shpallja e punimeve të miratuara do të bëhet më 10 gusht 2019. Kërkimi shkencor në hapësirën mbarëshqiptare dhe roli i Diasporës shkencore” është një event ku kërkues shkencorë dhe studiues shqiptarë nga e gjithë bota do të paraqesin arritjet më të reja të studimeve të tyre në fushat përkatëse të ekspertizës, gjithashtu ofrohet edhe mundësia e shkëmbimit shkencor dhe bashkëpunimit mes studiuesve shqiptarë”, thuhet tutje në njoftim.

Për mënyrën e aplikimit dhe afate të tjera mund të informoheni në linku-n e mëposhtëm:
http://iash-takimet.org/tv2019/aktuale/Thirrja_2019_K_II.pdf