Grevë paralajmëruese e gardianëve të burgut Champ-Dollon

Burgu është i mbipopulluar ndërkohë që numri i personelit mbetet i vogël, shkruan srf.ch. Në një gjendje të tillë është e papërballueshme të punohet

Gardianët e burgut Champ-Dollon të Gjenevës kanë zhvilluar të enjten në mesditë një grevë dyorëshe. Gjatë kësaj kohe nuk kanë funksionuar punëtorë e burgut ashtu si dhe shërbimet tjera.

Përmes kësaj greve paralajmëruese, punëtorët e burgut aktualisht më të njohur të Zvicrës kanë ngritur zërin e protestës lidhur me situatën që po mbretëron në këtë burg. Sipas tyre burgu është i mbipopulluar ndërkohë që numri i personelit mbetet i vogël, shkruan srf.ch. Në një gjendje të tillë është e papërballueshme të punohet.

Për të përmbushur standardet e kërkuara nevojiten edhe 85 punëtorë tjerë, ka thënë kryetarja e sindikatës së policisë dhe gardianëve.

Siç dihet, gjatë muajit shkurt në burgun Champ-Dollon patën plasur disa rebelime të të burgosurve si dhe konflikte të dhunshme në mes tyre.

Kjo situatë konfliktuoze ka ardhur edhe si pasojë e kushteve jo normale që mbretërojnë në këtë burg.