Rënie e vogël e numrit të të dënuarve të mitur

Më së shumti dënime të miturve u janë shqiptuar për veprat si konsum droge, vjedhje dhe shkaktim dëmesh materiale

Gjatë vitit të kaluar në Zvicër janë shqiptuar 13.073 dënime penale për veprrat e kryera nga personat e mitur dhe fëmijë. Kjo shifër është vetëm pak më e ulët, gjegjësisht për 157 shqiptime dënimi në krahasim me atë të një viti më parë, njofton Zyra Federale për Statistika.

Më së shumti dënime janë shqiptuar për veprat si konsum droge, vjedhje dhe shkaktim dëmesh materiale.

Statistikat më të reja po ashtu tregojnë se gjatë vitit të kaluar ka rënë numri i fëmijëve të dënuar penalisht për 9 për qind në krahasim me një vit më parë, shkruan nzz.ch.

Gjatë vitit 2013 vetëm një e pesta e të dënuarve kanë qenë nën moshën 15 vjeçare, thuhet në shënimet statistikore të publikuara të martën nga Zyra Federale për Statistika.