Nëse qëndroni në Gjenevë, do të përfitoni transport publik falas

Kur vizitoni qytete më të mëdha, sigurisht se do të doni të shëtisni lirshëm anembanë tij. Dhe në Gjenevë të Zvicrës, kanë menduar për turistët, duke iu krijuar lehtësira në këtë aspekt, shkruan albinfo.ch.

Turistët në Gjenevë pajisen me një kartelë, përmes së cilës përfitojnë transport publik falas gjatë gjithë kohës sa qëndrojnë për vizitë në këtë kanton.

“Kur qëndorni në një hotel, hostel apo ndonjë kamp në kanton ju do ta merrni falas “Geneva Transport Card”. Përmes kësaj kartele, transporti publik do të jetë falas gjatë gjithë kohës sa qëndroni aty. Kjo kartë personale dhe jo e transferueshme, iu jepet pasi të arrini dhe të akomodoheni. Karta lejon udhëtimin udhëtimin e pakufizuar në rrjetin e transportit publik të Gjenevës (UNIRESO: autobus (TPG), tren (CFF) dhe anije (Mouettes Genevoises) për kohëzgjatjen e plotë të qëndrimit tuaj”, thuhet në një njoftim të geneve.com.