Telefonat “me rrotë”, vetëm deri në vitin 2017

Aktualisht në Zvicër janë rreth 2 milionë klientë që vazhdojnë të shfrytëzojnë telefoninë analoge.

Viti 2017 do të jetë, sipas të gjitha gjasave viti i fundit kur do të ketë ende telefona analogë në Zvicër. Swisscomi ka vendosur që në fund të vitit të përmendur të nxjerrë fare nga funksioni telefonat tradicionalë që kanë “rrotën” për formimin e numrit.

Deri atëherë, të gjithë klientët duhet të kalojnë në telefoninë përmes internetit. Kjo nënkupton që ata të kenë një rotor në shtëpi, me të cilin lidhet telefoni.

Sipas asaj që ka thënë të martën shefi i rrjetit të Swisscom-it, Heinz Herren para medieve në Cyrih, telefonia e vjetër, analoge nuk është më në hap me kohën. Madje edhe tash, ka thënë ai, praktikisht të gjitha shërbimet e ofruara janë shërbime të bazuara në internet, si e-maili, televizioni dhe vetë interneti.

Megjithatë, sipas swisscomit, aktualisht në Zvicër janë rreth 2 milionë klientë që vazhdojnë të shfrytëzojnë telefoninë analoge.

“Ne i kemi lënë vetes kohëve te mjaftueshme në dispozicion që këta klientë në mënyrën më të butë të mundshme t`i orientojë në VOIP (Voice over IP), ka shtuar Herren (sda).