Integrimi
Mbahet në Zvicër debati për parandalimin e radikalizimit
Teatri Kurora, në kuadër të realizimit të projektit për prandalimin e radikalizimit “Me shku në Mars”, organizoi një debat më 10 maj në Llozanë, ku të pranishëm ishin edhe Philippe Gitz, ish-polic në kantonit Vaud, njëherësh mësimëdhënës për të drejtat e njeriut, Catarina Pereira, psikologe, presidente e shoqatës së etnopsikiatrisë në Gjenevë si dhe Pascal Gemberli, sekretar i shoqatës të Unionit të Myslimanëve të kantonit Vaud – UVAM, shkruan albinfo.ch.
Para fillimit të debatit është shfaqur pjesa teatrale “Me shku në Mars”, me skenar të Migjen Kajtazit dhe regji të Visar Qusaj, e luajtur me shumë mjeshtëri nga aktorët Linda Qusaj dhe Zymer Lutfiu.
Fjala «Radikalizim» shfaqet shpesh, po çfarë i shtynë te rinjtë të tërhiqen nga një ideologji fetare deri në atë masë sa që të sakrifikojnë jetën e tyre dhe të tjerëve? Çka kuptojmë me “radikalizim”? A mund ta parandalojmë apo të shërohemi nga radikalizimi në kuptimin e përgjithshëm të fjalës ?
Këto ishin disa nga pikat kyçe të debatit të zhvilluar mes specialistëve, të cilët u munduan t’u përgjigjen këtyre pytjeve në këndvështrim policor, psikologjik dhe fetar.
Edhe pse tematika është shumë e ndjeshme, specialistët ishin të gjithë të një mendjeje që duhet një dialog mes autoriteteve, duke filluar nga shkolla, familja, lagjet dhe mjediset fetare.
Ramadan Avdiu, konsull i përgjithshëm në Konsullatën e Kosovës në Gjenevë, i ftuar i nderit i debatit, i dha përgjigje fenomenit të tillë, duke precizuar që nuk ka asnjë luftëtar të Ushtrisë Çlirimatare të Kosovës që ka marrë pjesë në këto luftra.
Projekti është i mbështetur nga strukturat e konfederatës dhe klubi i UNESCO-së të Llozanës.
Të ngjashme
Të tjera nga Integrimi
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj