Shtypi zviceran: “Filmi shqiptar, falë albinfo.ch po `ndez` edhe te ne”

"Luzerner Zeitung" shkruan se komedia e suksesshme shqiptare ka zënë vendin e tretë në toplistat (charts) të kinemave zvicerane të këtyre ditëve

Janë vetëm 5-6 ditë që po shfaqet dhe filmi shqiptar “2 gisht mjaltë” tashmë është shndërruar hit i vërtetë edhe në Zvicër. Kështu, siç shkruan gazeta “Luzerner Zeitung” , komedia e suksesshme shqiptare ka zënë vendin e tretë në toplistat (charts) të kinemave zvicerane të këtyre ditëve.

“Para afër një jave filloi shfaqja e filmit “2 gisht mjaltë” në Zvicër. Në vendin e prejardhjes, në Shqipëri, ai ka qenë pa konkurrencë hiti më i madh filmik në përgjithësi. Edhe te ne ky film po tërheq publik të madh. Gjë që nuk befason”, shkruan gazeta zvicerane, transmeton albinfo.ch.

“Në tri ditët e para në Zvicrën gjermane filmin “2 gisht mjaltë” e kanë parë mnbi 6000 veta. Komedia ka zënë vendin e tretë në toplistat e filmave në gjithë Zvicrën. Edhe në Zvicrën qendrore interesimi është i madh: në kinemanë Bourbaki në Lucern atë deri të dielën e kanë shikuar 887 veta ndërsa në Kino Pathè Ebikon, 557.

Dhe ky sukses nuk ka qenë krejtësisht i befasishëm. Filmi në Shqipëri, Kosovë dhe në Maqedoninë e Veriut ka qenë hiti më i madh kinematografik pa konkurrencë. Ndërsa ky regjion ka në Zvicër grupin e katërt më të madh të të huajve këtu, (shqiptarët, v.j.) shkruan më tutje gazeta.

Lukas Diehl nga ditribucioni Spot on, i specializuar për distribuimin e filmave dedikuar publikut të diasporave të mëdha, plotëson: “Filmat shqiptarë janë diçka e rrallë në kinematë e Zviucrës. Është hera e parë që ky komunitet sheh një “Blocbuster” të tij vendor”, përcjell albinfo.ch.

“Suksesi u arrit falë mbështetjes së madhe nga albinfo.ch”!

“Por suksesi ka qenë i mundur vetëm falë bashkëpunimit me albinfo.ch. Platforma më e madhe për shqiptarët në Zvicër e ka “rrahur me të madhe “daullen e marketingut” për filmin, shkruan gazeta duke cituar distributorin Diehl.

Veç kësaj dy protagonistët Elvana Gjata dhe Ermal Mamaqi ishin madje në Zvicër dhe morën pjesë, edhe në premierën në Bourbaki. Këngëtarja dhe komediani janë superyje në Ballkan.

---