Mashtron sigurimin në aeroportin e Gjenevës, udhëton në Maroko

Një adoleshent u largua nga shtëpia gjatë fundjavës, mashtroi sigurimin në aeroportin e Gjenevës dhe arriti të shkojë në Maroko. 

 16-vjeçari nga Annecy në Francë tha se donte të bashkohej me miqtë që po udhëtonin nëpër shkretëtirë, përcjell albinfo.ch. 

Ai përdori një fotokopje të një autorizimi të vjetër prindëror për të lënë vendin. 

Djali i thirri prindërit kur ishte në një ndalesë në Spanjë. Ai nuk u tha atyre se ku ishte, por policia vuri në përgjim telefonin e tij për të përcaktuar vendndodhjen e tij. Autoritetet marokene e kapën atë pas mbërritjes dhe e ritkthyen.