Zvicra pa migrantët do të humbte 6.5 milardë?

Nëse shërbimeve sociale të Zvicrës do t`u mungonin përnjëherë të gjitha konributet e migrantëve, ato do të ishin për së paku 6.5 miliardë franga më të varfra

Më pak se tri javë para votimit për iniciativën «kundër migrimit masiv» në opinionin zviceran po dalin qëndrime nga më të ndryshmet pro dhe kundër iniciativës. Ndërkohë që të gjitha partitë e përfaqësuara në parlament ashu si dhe organizatat që përfaqësojnë ekonominë e vendit shprehen kundër, është pothuaj vetëm SVP/UDC, iniciatorja, ajo që mbron iniciativën.

Sipas një hulumtimi të publikuar nga portali blick.ch del se në rast se populli më 9 shkurt miraton inaicativën fondet sociale si AHV (fondi pensional) dhe IV (ai invalidor). Hulumtimi ka konstatuar se këto fonde sot e gjithë ditën kanë përfitime të mëdha nga migracioni. Kështu, sipas një llogarie të bërë nga Caritasi, 26.7 për qind të kontributeve për AHV-në vijnë nga migrantët ndërsa ata marrin nüe kthim vetëm 17.9%.

Ndërsa një studim krahasues i bërë kohë më parë nga OECD kishte ardhur në përfundimin se Zvicra përfiton nga migracioni më shumë se të gjitha vendet perëdnmore. Kështu, nëse shërbimeve sociale të Zvicrës do t`u mungonin përnjëherë të gjitha konributet e migrantëve, ato do të ishin për së paku 6.5 miliardë franga më të varfra.

Një mungesë të tillë duhet ta kene parasysh, sipas mediumit, zviceanët kur të dalin të votojnë më 9 shkurt.

Por ndërkohë sekretari i përgjithshëm i SVP-së, Martin Baltisser, i pyetur për këtë llogari thotë «Gjepura». Sipas tij nëse një i huaj i sjell me vete dy fëmijë që ndjekin shkollën, ai do të duhej të paguaj shumë më shumë tatime vetëm për të mbuluar shpenzimet e shkollimit të fëmijëve.

Ai thotë se as llogaria me AHV-në nuk është e saktë, sepse të gjithë tatimpaguesit, prandaj edhe të huajt, një ditë dalin në pension.