Bendi “The Cranberries” i jep fund muzikës 

Rok-grupi i njohur irlandez, “The Cranberries”, janë drejt fundit të karrierës dhe për këtë publikuan albumin e fundit që nderon lideren e tyre, Dolores O’Riordan, që vdiq vitin e kaluar. “In the End” është albumi i tetë i bendit që mori famë në vitet ’90 me hitet si “Zombie” dhe “Linger”.

Ky album përfshin incizimet e fundit të O’Riordan që vdiq në janarin e vitit 2018 nga mbidoza e alkoolit. Puna në këtë album kishte filluar në turneun e vitit 2017 dhe liderja O’Riordan e kitaristi Neil Hogan shkruan 11 tekstet e këngëve.

Me vokalin e incizuar të saj, Hogan, batisti Mike Hogan e bateristi Fergal Laëler, kompletuan albumin dhe vendosën ta publikonin si nderim për këngëtaren.

“Kur e kuptuam se sa të fuqishme ishin këngët, vendosëm menjëherë se albumi do të ishte për të. Më nuk kishte kthim, sepse nuk donim të shkatërronim trashëgiminë e bendit”, ka thënë Noel Hogan. Grupi “The Cranberries” u formua në Limeric në vitin 1989 dhe atë kohë kishte tjetër këngëtar.

O’Riordan e zëvendësoi atë një vit më vonë dhe me 40 milionë kopje të shitura, u bë grupi i dytë më i suksesshëm pas U2. O’Riordan njihej për zërin e saj të veçantë dhe shpesh këndonte për lidhjet e dashurisë apo për dhunën politike.

Kur vdiq ajo ishte 46-vjeçare, por anëtarët e bendit kanë thënë se nuk kishte probleme në jetën e saj. Grupi pritet të ndahet pas albumit “In The End” me arsyetimin se nuk mund të vazhdojnë pa pjesën kryesore të tij, këngëtaren O’Riordan.