Vetura e Ambasadës Zvicerane parkohet në brezin e këmbësorëve

Një makinë e Ambasadës së Zvicrës në Prishtinë është parkuar në mes të brezit të caktuar për këmbësorë dhe kjo ka zemëruar qytetarët. Ambasada e Zicrës në Kosovë ka pranuar se makina i takon asaj dhe ka siguruar se i ka tërhequr vërejtjen ngasësit

Një lexues i 20minuten (F.G.) ka qenë pak kohë më parë dëshmitar se si një person në Porishtinë, me veturën Audi Q3 ngjyrë argjendi dhe me tabelë diplomatike e ka parkuar makinën thjesht në vendkalimin për këmbësorë. Një pjesë e makinës madje ka bllokuar korsinë e rrugës.

Sipas G., makina i takon Ambasadës së Zvicrës, transmeton albinfo.ch. Lexuesi është i zemëruar: “Ai e bën gjithnjë të njëjtin maskarallëk. Unë e shoh rregullisht se ai e parkon kështu në gjithë qytetin”, shprehet F.G.

Në fakt kjo mënyrë parkimi jo korrekte ka qenë nga mesi i prillit temë në mediet kosovare. Ato kishin shkruar se si ishin zemëruar këmbësorët me karroca të fëmijëve pasi që një makinë ua kishte zënë trotoarin.

I pyetur nga 20minten se “a vlejnë rregullat e komunikacionit edhe për diplomatët zviceranë jashtë vendit”, zëdhënësi i Ministrisë së Punëve të Jashtme (EDA) Pierre-Alain Eltschinger, thotë: “Në përgjithësi EDA kërkon që pjesëtarët e një përfaqësie dhe familjarët e tyre t`u përmbahen rregullave dhe ligjeve të vendit mikpritës”.

Sipas zëdhënësit bëhet fjalë për makinën e një pjesëtari të personelit të Ambasadës së Zvicrës. “Është vozitur nga një anëtar i familjes së tij. Ambasada ndërkohë ia ka tërhequr atij vërejtjen për sjelljen e gabuar”.

---