12 mijë telefona celularë humbin nëpër trenat e Zvicrës

100 mijë gjësende i kanë harruar zviceranët gjatë 2013-ës në trena dhe stacione të tjera nëpër Zvicër

Çanta, valixhe, rroba dhe pajisje elektrike janë grumbulluar në bodrumin e “Fundsachenverkauf.ch” në Cyrih. Bëhet fjalë për gjësende që janë harruar nëpër trena dhe autobusë të postës, në stacione hekurudhash dhe aeroporte.

Janë rreth 98.800 gjësende që janë harruar dhe janë mbledhur vitin e kaluar vetëm nga SBB. Varësisht nga vlera e tyre, pronarët kanë vetëm tre muaj kohë për t’i marrë gjësendet e harruara.

Më së shumti humbin rrobat. Menjëherë pas kësaj vijnë telefonat iPhone. Siç raporton 20min, pothuajse 12 mijë telefona mobilë janë mbledhur nga SBB-ja vitin e kaluar. Në mesin e tyre ishte edhe një iPhone ari me vlerë 4900 franga, me logo të “Apple” që ishte riprodhuar me diamante. 

.