Gafa e portugezëve, shkojnë në qytetin e gabuar të Frankfurtit

Gjithsesi, sikur të mos të mjaftonte e gjithë kjo, skuadra e tyre është eliminuar në Gjermani

Tifozët janë besnikë, kudo që luan skuadra e tyre e zemrës dhe pa marrë parasysh rezultatet.

Kështu kanë vepruar edhe disa tifozë të Benficës, që shkuan të përkrahin skuadrën e tyre, por fatkeqësisht shkuan në vend të gabuar, përcjell albinfo.ch.

Tifozët portugezë kishin organizuar një udhëtim të bukur me vetura nga Portugalia në Frankfurt. Itinerari është kontrolluar me kujdes në internet dhe është dokumentuar në profilet e Instagram-it, ku nuk ka munguar fotografia klasike e tabelës mirë se erdhët në Frankfurt-in mbi Oder.

Por, në Gjermani janë dy qytetet me emrin e Frankfurtit. Ai që është mbi lumin Oder ndodhet në Brandenburg, në kufi me Poloninë, dhe nuk luan fare në Ligën e Evropës.

Por, skuadra e futbollit është nga Frankfurti mbi lumin Majn, që ndodhet nga ana tjetër e vendit.

Kur portugezët kishin kuptuar gabimin, ia kanë bërë të ditur të gjithëve me një “story” që ka bërë xhiron e internetit.

Sigurisht, pas 16 orëve me veturë, askush nuk ka qenë i lumtur të bënte edhe gjashtë të tjera, ato që ndajnë dy qytetet me të njëjtin emër.

Gjithsesi, sikur të mos të mjaftonte e gjithë kjo, skuadra e tyre është eliminuar në Gjermani.

Edhe pse Benfica fitoi ndeshjen e parë 4:2, në Gjermani kanë pësuar Eintracht Frankfurti 2:0, dhe kështu skuadra gjermane u kualifikua në gjysmëfinale të Ligës së Evropës.

---