Kultura

Aktori kosovar ftohet në Akademinë Europiane të Filmit

E mërkurë, 17 Prill 2019 - 21:00 albinfo.ch
Besnik Krapi (Facebook)

Aktori kosovar Besnik Krapi, është ftuar në Akademinë Europiane të Filmit, shkruan albinfo.ch.

Lajmin e ka bërë të ditur Qendra Kinematografike e Kosovës.

“Producenti dhe aktori kosovar, Besnik Krapi, është i ftuari i radhës i Akademisë Europiane të Filmit. Kontributi i tij në fushën e kinematografisë, si producent dhe aktor, është mjaft i njohur në rajon dhe më gjerë”, kanë njoftuar nga QKK, përcjell albinfo.ch.

Besnik Krapi u bë i njohur për publikun kosovar sidomos me rolet e tij në filmin “Shok” dhe rolin e ‘turkut’ në serialin e zhanrit komedi, “O sa mirë”.

Bashkë me Krapin, deri tash Kosova numëron 24 anëtarë në këtë akademi.

Akademia Europiane e Filmit u themelua në vitin 1989 me drejtorin e parë Ingmar Bergman.

 Të ngjashme

Filmi “Zgjoi”, bashkëprodhimi i parë zyrtar mes Kosovës dhe Zvicrës

 Të tjera nga Kultura

Elina Duni, Ambasadorja e Xhazit Modern: Fituesja e Swiss Jazz Award 2025

 E-Diaspora

 Jeta në Austri