Për herë të parë një deputete me shami në foltoren e Parlamentit

Për herë të parë në historinë e Parlamentit turk foli para deputetëve një parlamentare turke me shami në kokë

Sipas medieve turke bëhet fjalë për deputeten  Xhanan Xhandemir Celik nga Partia për  Drejtësi dhe Zhvillim , e cila ka folur për buxhetit e vitit 2014.

Kjo është deputetja e pestë turke që ka deklaruar  se do të ndjekin me shami në kokë seancat parlamentare .

Katër ligjvënëse të mbuluara kanë ndjekur një seancë të Parlamentit turk, duke i dhënë fund ndalesës së shamive në hapësirat e parlamentit.

Më 30 shtator, Partia për Drejtësi dhe Zhvillim, e cila qeveris me Turqinë, ka hequr ndalesën prej disa dekadash në shërbimin civil, në kuadër të reformave që synojnë të përmirësojnë demokracinë dhe liritë.

Kryeministri Recep Tayyip Erdogan, gruaja e të cilit vë shami në kokë, e ka cilësuar masën si “hap drejt normalizimit”.

Këto reforma janë denoncuar nga laikët, të cilët e shohin shaminë e kokës si shenjë të Islamit politik dhe në kundërshtim me traditat laike të Turqisë.

Ndalesa për shamitë e kokës vazhdon të vlejë për gjyqtaret, prokuroret dhe personelin ushtarak dhe të sigurisë.