“Vdekja e asistuar”, edhe për fëmijët!

Sipas draftit, edhe personat nën moshën 18 vjeçare, në kushte të veçanta mund të shfrytëzojnë të drejtën për vdekje të asistuar

“Vdekja e asistuar” apo siç quhet ndryshe eutanazia është gjithnjë më afër të bëhet një solucion i mundshëm edhe për fëmijët, gjegjësisht për personat e mitur, nën moshën 18 vjeçare, në Belgjikë.

Këtë e tregon një vendim i senatit të këtij vendi, i cili ka votuar me shumicë dërmuese për shtrirjen e të drejtës për të kërkuar “ndihmë të vdekjes” edhe për të miturit.

Siç bën të ditur agjencia belge e lajmeve “Belga”, kanë qenë socialistët, liberalët, të gjelbrit dhe nacionalistet flamanë të cilët kanë votuar këtë vendim. Nga ana tjetër, konservativët dhe populistët e djathtë kanë votuar kundër.

Sipas draftit, edhe personat nën moshën 18 vjeçare, në kushte të veçanta mund të shfrytëzojnë të drejtën për vdekje të lehtësuar. Ndërkaq, për të rriturit në Belgjikë prej kohësh është e lejuar eutanazia në rastet kur ata vuajnë nga sëmundjet e pashërueshme.