Zvicerani mesatar posedon 374 mijë franga

Pasuria neto e llogaritur së bashku e të gjitha ekonomive familjare në vitin 2012 ka qenë 3005 miliardë franga ose për 6 për qind më shumë se një vit më parë

Pasuria mesatare neto e banorëve të Zvicrës gjatë vitit 2012 ka shënuar një rritje për 19000 franga në krahasim me një vit më parë. Kështu ka vazhduar trendi i rritjes së pasurisë, i filluar nga viti 2008. Por, krahas kësaj janë rritur edhe borxhet e tyre.

Sipas një studimi të Bankës Nacionale të Zvicrës (SNB) secili banor i Zvicrës zotëron një pasuri të pastër prej 374 mijë frangash. Pasuria neto e llogaritur së bashku e të gjitha ekonomive familjare në vitin 2012 ka qenë 3005 miliardë franga ose për 6 për qind më shumë se një vit më parë. Ndryshe, kjo rritje është 19 mijë franga për kokë banori.

Arsye për rritjen e këtyre shumave janë rritja e aksioneve në bursa dhe ngritja e çmimeve të patundshmërive, njofton SNB.

Në vitin 2008 pasuria e gjithëmbarshme e ekonomive familjare të Zvicër kishte qenë 2450 miliardë ndërsa në viti 2012 ajo për herë të parë e ka kaluar shkallën prej 3000 miliardë frangash, gjegjësisht 3005 miliarda.

Nga ana tjetër borxhet e zviceranëve gjatë vitit 3012 janë rritur për 4%, duke mbërritur në 736 miliardë.