E-Diaspora
Ambasada e Kosovës në Zvicër mbështet shoqatën “Sytë kërkojnë dritë“
Ambasadorja Nazane Breca, e shoqëruar nga Mustafë Xhemaili, ministër-këshilltar, ka pritur në takim delegacionin e shoqatës “Sytë kërkojnë dritë“.
Kryetarja znj. Krasniqi ka njoftuar ambasadoren Breca se kjo shoqata e themeluar dhe e regjistruar në organet zvicerane në vitin 2016, ka qendrën e saj në Lucern dhe ka një bashkëpunim të ngushtë me Shoqatën e të Verbërve të Kosovës si dhe me organizatat e tjera të personave me aftësi të kufizuara të Kosovës, përcjell albinfo.ch.
Madje, një bashkëpunim të mirë shoqata e zhvillon edhe me mekanizma me shoqata humanitare në Principaten e Lihtenshtajnit, ku atje u është siguruar një depo e përshtatshme për grumbullimin e materialeve të dhuruara, përgatitjen dhe dërgimi e tyre nga organizatat përkatëse humanitare të Lihtenshtajnit drejtpërdrejt në Kosovë.
Ndihmë ata kanë edhe nga shumë bashkatdhetarë nga e gjithë Zvicra, të cilët ofrojnë mjetete të ndryshme për këtë Shoqatë.
Ambasadorja ka thënë se ambasada dhe dy konsullatat e saja në Gjenevë dhe në Cyrih, do ta mbështesë me të gjitha mundësitë, nga kontaktet e ndryshme me organizata humanitare kantonale e komunale në Zvicër e Lihtenshtajn, të lehtësimeve doganore për dërgimin e materialeve në Kosovë në destinacionet e duhura e, deri te lobimi diplomatik te organizatat e mëdha ndërkombëtare në Zvicër, siç janë Kryqi i Kuq me seli në Gjenevë, Caritasin zviceran etj.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Itali, shpallen në kërkim 4 shqiptarë për këto arsye
-
Nesër është dita e fundit e regjistrimit të diasporës
Jeta në Austri
-
Si po e ndryshon motin në Austri ngrohja globale? Ngjarjet ekstreme të motit kanë shënuar pothuajse çdo muaj të vitit 2023 në Austri. Ekspertët thonë...
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?
-
A mund të blejnë të huajt prona në Austri?