4 deputete turke, me shami në parlament

Katër deputete turke shkuan në parlament me mbulesë, duke i dhënë fund ligjit që ndalonte përdorimin e tyre në këtë institucion.

Ndalimi ishte një nga ligjet më të debatueshme në Turqi, që i vendoste mbështetësit e kushtetutës laike kundër atyre të të drejtave islamike.

Muajin e kaluar Turqia e hoqi këtë pengesë në një numër institucionesh shtetërore, por ai vazhdon të zbatohet ende në gjykata, prokurori si dhe nga personeli ushtarak dhe ai i sigurisë.

Në vitin 1999, parlamenti u pushtua nga kaosi kur një anëtare e sapozgjedhur u përpoq të bënte betimin e mbuluar me shami.