Rritet numri i udhëtarëve në Rinas

Numri i pasagjerëve që kanë udhëtuar nga aeroportit “Nënë Tereza” në Tiranë në vitin 2018 është rritur me 68%, duke e bërë Shqipërinë një vend të aksesueshëm nga turistët e huaj.

Shtetas shqiptarë që kanë udhëtuar nëpërmjet aeroportit në këtë periudhë janë rritur me 40%, ndërkohë që kemi dyfishim të shtetasve të huaj me të njëjtin tregues krahasuar me vitin 2013, raportojnë mediat shqiptare.

Rritja e numrit të pasagjerëve është mundësuar nga rritja e numrit total të fluturimeve me 29%, por akoma më domethënëse është rritja e numrit të destinacioneve të arritshme nëpërmjet Rinasit, nga 31 në vitin 2013 ato janë 51 sot, përcjell albinfo.ch.

Kjo e ka bërë Shqipërinë edhe më të aksesueshëm nga turistët e huaj. Njëkohësisht qendrat e mëdha urbane në botë janë bërë lehtësisht të arritshme për bashkatdhetarët tanë.